२०० दिनदेखि माइतीघर मण्डलामा सत्याग्रह धर्ना बसिरहेकी दीपा नेपालीको मागमा एक्यबद्धता जनाउन पूर्वप्रधानमन्त्री बाबुराम भट्टराई माइतीघर मण्डल पुगेका छन्।
बुधबार दिउँसो पूर्वप्रधानमन्त्री भट्टराई धर्नामा रहेकी नेपालीको मागमा ऐक्युवद्धता जनाउन माइतीघर पुगेका हुन् पूर्वप्रधानमन्त्री भट्टराईले माइतीघरमा पुगेर कथित वर्ण व्यवस्थाको नाममा गरिएको जात र छुवाछुतजन्य विभेद २१ औं शताब्दीको सबैभन्दा ठूलो मानवीय कंलकका रूपमा रहेको बताए।
'म निरन्तर बोल्दै आएको छु। हामीले १० वर्षे जनयुद्धमा पनि यसैलाई प्रमुख मुद्दाको रूपमा स्थापित गर्यौं। संविधान निर्माणमा पनि प्रष्टलेखेका छौं,' उनले भने,'दलितका हक र जातीय विभेदविरूद्ध प्रष्ट नीति नियम बनाएका छौं।'
सिद्धान्तमा कानुन निर्माण भएकै दिन जातीय विभेद अन्त्य भए पनि त्यसलाई कार्यान्यवन गर्न आवश्यक कानुनहरू भने अहिलेसम्म नबनेको उनले बताए।
उनले धर्म, संस्कृतिका कारण जातीय विभेद भइरहँदा त्यसलाई सुधार्दै लैजान सकिने समेत बताएका छन्।
भट्टराईसँगै पत्रकार ऋषि धमला लगायत अन्य व्यक्तिहरूले दीपा नेपालीको मागलाई ऐक्यबद्धता जनाउन माइतीघर पुगेका छन्।
